Анџелина Џоли беше почестена со награда на манифестацијата Hollywood Film Awards, која синоќа се одржа во Беверли Хилс.
42-годишната актерка доби статуетка за својот нов филм „First They Killed My Father“. И на Лун Ун, по чија книга е сниман филмот, ѝ беше врачена наградата за филм од неанглиско говорно подрачје.
Облечена во сатенски фустан во сребрена боја од Џени Пекам, Џоли шармираше на црвениот тепих. Во својот стајлинг, таа вклучи и обувки од Шарлот Олимпија и дијамантски накит од Tiffany & Co.
„First They Killed My Father“ ја прикажува војната низ очите на дете, раскажувајќи ја вистинската приказна за животот и детството на Лун, која ги искуси на своја кожа негативните последици од војната во Камбоџа. Ун ги изгуби своите родители и двете сестри во војната.
По огромниот успех кој го постигна, Камбоџа го кандидира филмот за Оскар во категоријата Најдобар филм од неанглиско говорно подрачје.
