Кендис Сванапул изгледа одлично шест недели по раѓањето на второто дете. 29-годишниот ангел на Victoria’s Secret беше фотографиран на плажа во Бразил три недели откако наиде на лоши критики за фигурата.
Атрактивната Јужноафриканка уживаше под сончевите зраци со едногодишниот Анака и едномесечниот Ариел.
Фотографии од Кендис во бикини се појавија на интернет три недели по нејзиното породување со второто дете. Подоцна, таа откри дека била фотографирана 12 дена по породувањето и дека во морето коментари, имало и многу критики за нејзината фигура.
На Instagram таа им возврати на критичарите и им порача прво да се погледнат себеси пред да зборуваат лошо за другите.
„Ова сум јас 12 дена по раѓањето на син ми. Ако имате нешто лошо да кажете... преиспитајте се себеси. Луѓето можат да бидат сурови едни кон други. Во денешно време, понекогаш стандардите за убавина се невозможни за жените. не се срамам да го покажам моето постпородилно стомаче, напротив, горда сум на него.... Го носев син ми 9 месеци во него, сметам дека го заслужив правото да имам малку стомаче, без разлика што сум модел. И ние сме нормални луѓе, па ве молам оставете ме да уживам на мира на плажа“ – напиша таа.
И во бременоста Сванапул била критикувана што го покажува големото трудничко стомаче на плажа, на што таа возврати дека нема да се крие само поради нереалистичните стандарди кои им се наметнуваат на жените.
„Не морам да го кријам мојот стомак само поради нереалистичните стандарди за жените. Создаваме живот... што да правиме? Жени сите ние сме во ова заедно, бидете љубезни едни кон други“ – напиша Кендис.
