Шерон Стоун е ѕвездата која го краси октомвриското издание на Town & Country.
62-годишната актерка сними фотосесија за списанието, а во интервјуто зборуваше за предностите и негативните страни на тоа да бидеш позната како секс симбол.
„Претпоставувам дека на луѓето им требаше секс симбол. Јас никогаш не се сметав себеси за секси. Кога го снимав „Basic Instinct“, ја истражував мојата темна страна и се спријателивме. Научив да не се плашам од себеси. Сметам дека луѓето тоа го сметаат за секси“ – изјавила Шерон.
Стоун објаснила и дека да си позната како секс симбол те ограничува во кариерата. „Тешко е. Беше тешко и за Мерилин Монро. Таа снимаше филмови кои навистина вредеа, но сè уште не можеше да се ослободи од овој епитет.Тешко е да се справуваш со тоа“ – дополнила славната актерка.
