H&M започнува нова модна соработка, овојпат со француската модна куќа Balmain. Креативниот директор на Balmain, Оливие Рустан, ќе дизајнира лимитирана колекција за шведскиот моден бренд.
Соработката помеѓу популарните брендови Рустан ја најави на доделувањето на музичките награди на Billboard. Познатиот дизајнер зачекори на црвениот тепих со Кендал Џенер и Џордан Дан, кои носеа од неговите креации за H&M.
Капсулната колекција ќе вклучува машка и женска облека, обувки и модни додатоци и ќе биде достапна од 5 ноември оваа година во 250 продавници на H&M низ светот и онлајн.
Претходно H&M соработуваше со Донатела Версаче, Карл Лагерфелд, Ланвин, Стела Мекартни и Џими Чу.
