Експлозивното дуо составено од Кејт Мос и Кара Делавин ќе го видиме во новата модна кампања на Mango.
Шпанскиот бренд со една фотографија ја најави претстојната кампања #somethingincommon за сезоната есен/зима 2015.
Мос двапати претходно има соработувано со Mango. „Одлично е да се работи повторно со Mango, бидејќи е свеж и модерен бренд. Инез и Винуд на совршен начин ја уловија енергијата на фотосесијата. Со Кара секогаш се забавуваме заедно, а тоа може навистина да се види во оваа кампања“ – коментирала 41-годишната Мос.
И Кара не штедела убави зборови за новиот проект и за здружувањето со Кејт. „Ние сме убиствена комбинација. И лично и професионално ѝ се восхитувам, таа е вистинска модна икона. Привилегија е да учам и да го споделувам ова искуство со неа“ – рекла Делавин.
Фотосесијата била снимена во мај во Торонто, од страна на фотографите Инез ван Ламсверде и Винуд Матадин.
