Вини Харлоу и Даки Тот се меѓу моделите кои ќе ги придружуваат ангелите на Victoria’s Secret на овогодишното шоу. Популарниот модел со витилиго и девојката која е нарекувана „жива кукла“ ја добија честа оваа година да дефилираат на спектакуларната модна ревија.
Вини веќе неколку години ја освојува модната индустрија и ги руши стереотипните стандарди за убавина. Таа има витилиго, здравствена состојба кое се карактеризира со бели дамки на кожата. Кога била помлада, таа редовно била навредувана поради изгледот на нејзината кожа и нарекувана „крава“ и „зебра“.
Даки, токму поради својот нереален изглед, неодамна стекна голема слава.
