Принцезата Шарлин ги украде сите погледи на 71-вата гала на Црвениот Крст на Монако, која се одржа во Монте Карло.
41-годишната принцеза од Монако изгледаше префинето во смарагдно-зелена креација додека го придружуваше принцот Алберт II. Фустанот на Шарлин доаѓа од брендот Marchesa Notte, салонките од Christian Dior, а обетките од Repossi.
Кралскиот пар танцуваше на подиумот, а во еден момент принцот ѝ ја бакна раката на саканата. Романтичниот момент беше овековечен со фотографија.
Галата се одржува секоја година, а нејзин домаќин е принцот на Монако, кој присуствува на настанот со своето семејство. Црвениот Крст е основан во 1948 година од страна на принцот Луј Втори, а сега на негово чело стои принцот Алберт Втори.
Гостите на галата ги забавуваше музичкиот бенд MamaDear, како и пејачот Џон Леџенд, со кого позираше и кралскиот пар.
