Камелија Хулс е страсна обожавателка на модата и непоправлива љубителка на колоритна облека и аксесоари. Плакарот на младата Белгијка изобилува со бои и дизајнерски креации.
„Мојот стил е многу еклектичен. Обожавам светли бои. Сакам да спојувам парчиња онака како што многу луѓе не би очекувале“ – вели славната мајка која има речиси 300 илјади следбеници на Instagram и се опишува себеси како „љубителка на убавината и ентузијастка за животот“.
Покрај креациите од Долче и Габана, Валентино и Кристијан Лобутин, можеби највпечатливи се многуте чанти Hermès Birkin, кои чинат мало богатство.
„Секогаш ги сакам Валентино и Долче – особено Долче и Габана, бидејќи тие ги сакаат жените, знаете? Во нивните дизајни се чувствувам многу женствено“ – коментира Камелија.
