Секој човек ја негува својата имагинација на различен начин. Таа најчесто е производ на моментната инспирација и влијае врз креирањето на уникатни нешта. Денес, кога сме презаситени од секакви видови на „едно те исто“, насушна е потребата од нешто различно, интересно и убаво, а кое е истовремено креативно, имагинативно и занесно.
Креативност и имагинација се потребни секаде, а посебно за усовршување на македонските традиционални техники кои отсекогаш биле почитувани.
Филигранот е форма која во Македонија не случајно го пронашла своето место. Таа во себе ги содржи како Источната мелодичност така и Западниот креативен момент. А убавината, секогаш се наоѓа точно онаму каде двете спротивности се допираат.
На нашите простори отсекогаш се среќавале различни вери, нации и обичаи. Сите тие допринеле и сè уште допринесуваат во разноликоста на културата која провејува на овие простори. Ние сме место каде Истокот се среќава со Западот, каде Христијанството доаѓа во контакт со Исламот и токму тие спротивности помогнале Македонскиот филигран да се доведе до совршенство.
Имаме богата култура како потпора за инспирација и развивање на имагинацијата. Потребно е само човек да се заврти околу себе и ќе ја пронајде. Всушност тоа е и појдовната точка на Христијанството: Пресечи дрво и ќе ме најдеш, дигни камен и Јас ќе бидам таму. Од друга страна, Истокот се темели на мелодичен израз. Сето тоа го има на ова наше поднебје и претставува инспирација за уметниците.
Филигранот изразува чувства, мисли и имагинација, и секогаш е посебен и уникатен.
Прошетајте со поглед низ деликатните уметнички дела на „Добро ми стои“ кои се визуелен доказ за комплексноста и магијата на филигранот.
Facebook-страницата на „Добро ми стои“: https://www.facebook.com/pages/Dobro-Mi-Stoi/538499129539525
