Шармантна естетика, суптилна драматичност и прецизно дозирана екстравагантност ја дефинираат ултра модерната колекција накит DIVA, која експоненцијално си ја зголемува мрежата на обожавателки.
Diva маѓепсува со способноста да ве обвие во ореол од софистицирана гламурозност и да ве претвори во ѕвезда која владее со сцената со достоинство на примадона. Така што, не е воопшто изненадување што блескавите обетки, белегзии и ланчиња покоруваат срца, меѓу кои и оние на Викторија Лоба, Кики Мукаетова, Антониа Гиговска и Калиопи.
Македонските ѕвезди го потврдуваат стилскиот диверзитет на колекцијата, инкорпорирајќи го накитот во различни стајлинзи.
Атрактивната колекција со потпис на италијанскиот бренд Rebecca плени со умерена наметливост и ултимативна отменост. Ефектните вериги со златен и сребрен одблесок се кулминација на италијанската занаетчиска виртуозност и креативна визија. Создадени во срцето на Тоскана, атрактивните парчиња се врвно олицетворение на сè што италијанската јувелирска традиција има да понуди: бескомпромисен перфекционизам, висококвалитетни легури, дизајн со неприкосновена интуиција и емоционален набој.
Независно дали се текстурирани или глатки, со масивни или помали алки, еднобојни или златно-сребрен микс, сите парчиња се креирани за дамите кои знаат дека вистинскиот луксуз никогаш не е гласен, туку длабоко резонирачки, како последен акорд од арија на уникатна приказна.
Преку впечатливите форми и скулптурални линии, Diva си поигрува со геометрија што ја балансира женственоста со архитектонска строгост. Нејзината улога не е само декоративна, туку и комуникативна – искажува став, смелост, слобода и самодоверба. Со сите овие својства, Diva се претвора во моден адут на дамите кои не ги следат кодовите на елеганцијата, туку самите ги пишуваат.
Diva е достапна во продажните места на Chapter.03 во „Ист Гејт Мол“, „Рамстор“ и „Скопје Сити Мол“. Дознајте повеќе:
