Канскиот филмски фестивал отсекогаш бил поим за гламур и елеганција. Славните гости секогаш се стремат да се прикажат во најдобро светло додека чекорат на црвениот тепих на француската ривиера.
Во 1987 година, фестивалот им го привлече вниманието и на принцезата Дијана и на принцот Чарлс, кои одлетаа во Кан за да бидат гости на 40-тото издание на манифестацијата.
Дијана блесна во едно од своите највпечатливи изданија, избирајќи сина долга креација од нејзината омилена модна дизајнерка Кетрин Вокер. Својот изглед, таа го надополни со складна марама за што доби многу комплименти.
Фустанот беше ставен на аукција во 2011 година, а се продаде во 2013 година за 81.000 фунти. Собраните средства беа донирани за хуманитарни цели.
