Бред Пит е првиот маж кој ќе биде рекламно лице на легендарниот парфем Chanel N°5. Француската модна куќа ја објави веста во мај, а сега, само една недела пред откривањето на рекламата, објавена е првата фотографија од снимањето.
Бред Пит и Џо Рајт
На фотографијата 48-годишниот актер позира рамо до рамо со познатиот режисер Џо Рајт, кој ќе ја снима рекламата. Иако не се познати многу детали, се знае дека во рекламата Бред ќе зборува на начин кој ќе ги натера гледачите да веруваат дека ѝ се обраќа на жена, но на крајот ќе биде откриено дека „слушателот“ е парфемот.
„Веруваме дека оваа динамична и модерна кампања ќе ги натера луѓето поинаку да размислуваат за N°5“ – изјавил Андреа д’Авак, претседател на „Chanel Fragrance & Beauty“.
Лансирањето на рекламата е планирано за 15 октомври, а за соработката со Шанел, Бред Пит ќе добие 7 милиони долари.
Погледнете го интересното видео за историјата на Chanel N°5, кое ја најавува новата кампања:
