Некои луѓе имаат преголемо срце и секојдневно инспирираат со својата добрина.
Меѓу нив е Тамара Мисирлиќ, српската хуманитарка која има променето стотици животи. 23-годишната девојка од Врање сподели видео од емотивната посета на „баба Мирјана“ на нејзиниот 100-ти роденден.
Тамара со торта и балони ја израдува и изненади осамената старица, која живее сама, а таа не можеше да си ја сокрие радоста. Славеничката и нејзината гостинка заедно танцуваа, се радуваа и се прегрнуваа.
„Ќе се трудам да живеам уште толку. Кога ќе легнам во црната земја, оваа твоја добрина нема да ја заборавам... Зар можете така да ме сакате?“ – ѝ рече Мирјана на Мисирлиќ, која ѝ вети дека пак ќе ја посети.
@fondacija_tamara_m Naša posebna bako Mirjana, Sto godina… A u tvom pogledu uvek vidim ono najčistije…ljubav bez uslova, radost što sam tu. Kad me zagrliš, vreme stane. Kad me poljubiš, kao da brišeš sve brige sveta. A kad me pomiluješ po kosi, sve u meni postane mirno. I uvek kad pođem od tebe, nosim tvoj miris, tvoju toplinu i tvoju ljubav duboko u sebi. Srećan ti 100. rođendan, bako moja mila. Da ti Bog podari još vremena da nas gledaš onim tvojim blagim očima i da nas dočekuješ onako kako samo ti znaš…
♬ A refreshing piano solo during the cherry blossom season(1520405) - Sumochi
Во описот на видеото, основачката на Фондацијата „Тамара Мисирлиќ“, напиша:
„Наша посебна бабо Мирјана... Сто години... А во твојот поглед секогаш го гледам најчистото... љубов без услови, радост што сум тука. Кога ќе ме прегрнеш, времето застанува. Кога ќе ме бакнеш, како да ги бришеш сите грижи на светот. А кога ќе ме погалиш по косата, сè во мене станува мирно. И секогаш кога ќе заминам од кај тебе, го носам твојот мирис, твојата топлина и твојата љубов длабоко во себе.“
„Среќен 100-ти роденден, бабо моја мила. Бог да ти подари уште време да нè гледаш со тие твои благи очи и да нè пречекуваш онака како што само ти знаеш…“
Тамара со години преку својата фондација им помага на најзагрозените лица и оние кои најмногу имаат потреба од љубов и внимание.
