Група деца од Канада му одржаа на светот важна лекција за хуманоста. Тие, со помош на родителите, врзаа топли јакни на столбови низ улиците на градот Халифакс, Нова Шкотска за да ги подготват бездомните лица за претстојните зимски денови.
Секоја година, Тара Смит-Аткинс ги замолува локалните жители да донираат стари јакни, шалови, ракавици и капи. Потоа, им ги дава на група деца да ги врзат на уличните столбови за лицата на кои им се потребни да можат да си ги земат.
Топлата облека има и кратки натписи на себе: „Ако си изложен на студот, те молам земи ме за да се стоплиш!“.
Следната година, Тара планира да додаде ваучер од 5 долари во џебовите на јакните за оној кој ќе ја земе јакната да може да си купи и топол оброк.