Прекрасните мигови поминати со најблиските брзо избледнуваат во меморијата, но кога се овековечени во фотографии, портрети или видеа, тие стануваат бесценети спомени.
Ернст Берлин преку Reddit ангажирал 23 талентирани уметници да создадат незаборавен подарок за неговата сакана сопруга Агнес. Креативниот татко им дал на уметниците 40 фотографии и ги замолил да си изберат по една и да ја пресоздадат во свој стил.
Несекојдневниот подарок се состои од прекрасни уметнички портрети кои ја доловуваат љубовта, топлината и блискоста на среќните родители со нивното 8-месечно бебе.
Погледнете ја реакцијата на Агнес кога ги здогледа портретите поставени на ѕидот од нивната спална соба.
