Приказната за Шахоли Аерс, која цели да докаже дека секоја личност е убава на свој начин, ќе ве инспирира да се сакате себеси.
Самоуверената девојка е родена без една рака, но не дозволува тоа да ја спречи да стане модел и да му одржи на светот важна лекција за стандардите за убавина.
Шахоли признава дека патот до врвот не е лесен. „Бев исмејувана во текот на моето детство. Луѓето ми велеа: Ох, ќе беше многу убава ако имаше две раце. Секогаш се фокусираа на фактот дека ми фалеше рака“ – рекла таа.
Аерс со години била одбивана од агенциите за модели. „Тие ми велеа: Нема шанси, никогаш нема да можеш да го правиш ова. Немаш две раце“ – додала Шахоли.
Најголемиот моден проект Шахоли го имала во 2014 година, кога била ангажирана за каталог за Nordstrom. Оваа година, таа дефилираше на ревија во рамките на Њујоршката недела на модата.
Аерс цели и да ја подигне свеста за лица со хендикеп и се бори тие да бидат прифатени и вклучени во модната индустрија.