Стево Пендаровски со семејството на Бадник издвоија време за да се подружат со дечиња од бадниковата поворка од Охрид.
56-годишниот Претседател, 47-годишната Прва дама и нивниот син Огнен топло ги пречекаа развеселените деца кои со песната „Вечниот Бог“ го најавија христовото раѓање.
„Во пресрет на Божиќ, заедно со Бети и Огнен им бевме домаќини на децата – учесници на бадниковата поворка од Охрид кои не поздравија со коледарски песни, а со песната „Вечниот Бог“ го најавија христовото раѓање. На сите кои ги одбележуваат овие празници ви посакуваме пријатни мигови со вашите најблиски, спокојни и топли празнични денови“ – напиша Пендаровски во описот на фотографиите.
