Мари Ферлинг и Џејк Сноуден го живеат сонот на вечните авантуристи. Парот непрекинато патува низ светот, итајќи од една дестинација на друга.
Атрактивната двојка живее под мотото „Кога веруваш, сè е возможно“.
26-годишниот Џејк потекнува од Австралија, а 28-годишната Мари живее во Германија. Тие се запознале случајно на плажа во Тајланд, но по четири дена морале да ја прекинат летната романса.
„По четири дена патиштата ни се разделија, бидејќи имавме резервирани летови за во различни држави, но знаев дека морам да ја најдам повторно“ – изјавил Џејк, кој кратко време по нивната разделба отпатувал во Виетнам за да ја изненади.
Парот верува дека нивната двегодишна врска има минато низ многу повеќе отколку што другите врски минуваат во пет години. „Нашата врска се развива со брзината на светлината, а тоа е благодарение на тоа што го патуваме светот како пар“ – велат тие.
„Кога патувате заедно, секој час го минувате заедно и се гледате еден со друг како ги искусувате сите емоции што постојат“ – додаваат тие.
„Заедно решивме дека љубовта и среќата се поважни од која било сигурност која можат да ти ја понудат работата и парите. Комбинирајќи ја нашата љубов кон патување и фотографија тргнавме на авантура низ светот во потрага по нашите соништа. Заедно имаме патувано низ 22 земји за 22 месеци“ – објаснува парот.