Сè повеќе жени, кои извојувале победа над ракот на дојка, си ги прекриваат лузните од мастектомијата со тетоважи. За некои од нив, овој симбол на смелоста целосно ја заменува пластичната операција за реконструкција на градите или брадавиците.
Октомври е месец за подигнување на свеста за ракот на дојка. Тоа поттикна многу инспиративни личности да споделат фотографии за да ја подигнат свеста за болеста и да покажат колку храбри жени постојат низ светот.
„Жените кои го победиле ракот се цврсти жени. Тие се бореа и победија, а за да ги победат и своите лузни, тие можат да сметаат на артист за тетоважи, кој ќе им ја врати женственоста, убавината и самодовербата на овие прекрасни жени. Им се восхитуваме на овие жени“ – пишуваат одговорните од Project Pink, проект кој ја подигнува свеста за болеста.
