Рагби легенда ја покажува моќта на пријателството.
Кевин Синфилд истрча маратон туркајќи го својот најдобар другар Роб Бароу во специјална количка, а потоа во раце го носеше преку целната линија. На крајот, му подари бакнеж.
Фотографии и видеа од маратонот го обиколија светот, бидејќи се доказ како навистина изгледа пријателството и дека тоа е посилно од секоја болест.
Видео
До пред неколку години, Кевин и Роб беа професионални играчи за ист англиски рагби тим. За жал, во декември 2019 година на Роб му била дијагностицирана болест на моторниот неврон, невродегенеративно заболување со смртен исход. Најголем дел од заболените умираат во период од три години по детектирањето на симптомите.
На крајот од 2020 година, Кевин започнал да трча во негова чест и за да собере средства за сите засегнати од болеста. Тој досега има собрано повеќе од 8 милиони фунти за добротворни цели, трчајќи маратони, вклучително и предизвикот да истрча седум маратони во седум дена, а потоа и седум ултрамаратони во седум дена.
„Многу ми е важно да соберам средства, но ова исто така е прославување на пријателството“ – рекол тој.
Маратонот беше организиран во чест на Роб од неговата сопруга Линдзи и на него учествуваа повеќе од 12.000 лица. Првичната цел била да се соберат 7.777 фунти, кои го симболизираат бројот кој Роб го носеше кога играше рагби. Линзи била пријатно изненадена кога биле собрани 53.000 фунти.
