Магијата на празниците не ги одмина малите херои кои секојдневно се борат со најтешките болести. 43 деца од Атланта ги напуштија депресивните болнички простории и тргнаа на патување кое никогаш нема да го заборават – до „Северниот пол“.
Авионската компанија Delta Airlines беше иницијаторот на патувањето за малите пациенти болни од рак од болница во Атланта. Со помош на медицински лица, родители-ентузијасти и бујна фантазија, децата зачекорија на вештачки создаден Северен пол непосредно пред Нова година.
Четириесет и три животи погодени од различни видови рак беа разубавени од добродушноста на волонтери. За да ја постигнат зацртаната цел и да симулираат авионски лет, пилотите ги возеле децата 45 минути низ пистата за потоа да ги слезат во просторија со новогодишни украси, снег, џуџиња и се разбира најомилениот старец, Дедо Мраз.
„Нашите пациенти кои се борат со рак минуваат многу време на болница во текот на празниците. Многу е важно тие да имаат можности да уживаат во магијата на празниците. Специјалните доживувања како ова им овозможуваат позитивно одвлекување на вниманието за време на нивното лекување“ – рекол директорот на Центарот.
