Алина Загитова и официјално е кралица на мразот. 15-годишната Русинка го освои олимпиското злато во Пјонгчанг, Јужна Кореја.
Грациозната спортистка во слободната програма настапи на музика од „Дон Кихот“ и освои 156.65 поени за да се искачи на врвот на табелата со вкупни 239.57 поени.
„Победив. Искрено, ми треперат рацете, затоа што сè уште немам сфатено дека сум олимписка шампионка“ - изјавила таа.
Видео
Загитова ја остави зад себе својата сонародничка Евгенија Медведева. Второпласираната 18-годишна Русинка, која лизгаше на музика од „Ана Каренина“, ги заврши натпреварувањата со вкупни 238.26 поени.
„Денес во мојата програма се чувствував навистина како Ана Каренина во филмот. Оставив сè на мразот. Не се каам за ништо“ - рекла Медведева.
Видео
Кејтлин Озмонд од Канада се закити со бронза.
Потсетете се на настапот за светски рекорд на Алина во кратката програма.
