Меланија Трамп имаше драматично патување од Вашингтон до Филаделфија. Околу 10 минути по полетувањето, кабината на авионот започнала да се исполнува со чад и пилотот бил принуден итно да се врати во воената база во Вашингтон.
Сепак, механичкиот дефект не го одложи патувањето на првата дама на САД. Таа полетала кон Филаделфија со нов авион за да ја посети болницата „Томас Џеферсон“.
Облечена во карирано палто со колан кој ја истакнуваше нејзината женствена фигура, Меланија одржа говор за новороденчињата кои биле изложени на опоиди уште во мајчините утроби.
„Малку други нешта се потешки одошто да гледаш новороденче како страда и желна сум да сторам сè што можам да помогнам да се сврти вниманието кон оваа епидемија“ - рече таа.
Конференцијата во болницата е еден од многуте настани под капата на иницијативата „Be Best“ која Меланија ја лансира во мај.