Креативна мајка ја претвора својата ќеркичка во различна Дизни принцеза секој месец од првата година од нејзиниот живот.
Миранда Гарсија ја облекува слатката ќерка во разни фустани и костими и создава бајковити фотографии кои ќе им бидат прекрасен спомен во иднина.
Посветената мајка самата ги осмислила и рачно ги создала позадините и реквизитите за фотосесиите. „Кога ќерка ми се роди минатата година, одлучив да го одбележувам секој изминат месец со фотосесија инспирирана од дизниевите принцези. Рачно ги направив сите позадини, перики, реквизити и некои од костимите. Беше патување кое никогаш нема да го заборавам и научив многу за тоа време. Со ќерка ми имаме спомени кои ќе ги цениме засекогаш!“ – пишува Миранда.