Успешна бодибилдерка смело ја покажа насобраната кожа на стомакот, која е резултат на двете нејзини бремености, само за да ги охрабри сите жени во светот да не се срамат од своето тело и да не дозволуваат несовршеностите да ги спречат во остварувањето на своите животни цели.
На Instagram, Келси сподели две фотографии. На едната со рацете си го тегни вишокот кожа, а на другата позира со широка насмевка и „опуштен“ стомак.
„Во моментот кога започнав да си го сакам телото поради она што може да направи, а не поради начинот на кој изгледа, тогаш започнав навистина да станувам успешна во фитнесот. Имам создадено живот два пати, во истовреме кревав стотици килограми и трчав илјадници километри. До сите кои се обесхрабрени од овиснатата кожа: Ви гарантирам, тоа никогаш не ме спречи во остварувањето на БИЛО ШТО“ – напиша Келси во описот.
„Моето тело е навистина неверојатно, па по целиот труд кој го вложувам, би било нефер да го сведам само на стрии или овисната кожа“ – е еден од стотиците позитивни коментари на постот на Келси.