Македонската Тениска Федерација ги поканува јуниорите и јуниорките на возраст до 14 години да учествуваат на Мастерс турнирот во тенис на Македонија. Турнирот ќе се одржи на земјените терени на ТК Теннис Парк – Скопје при Спортскиот Центар Јане Сандански, од 15-17 октомври. Главниот турнир за јуниорите започнува во сабота (15.10.2016) од 10 часот, а за јуниорките од 12 часот.
Во мастерс турнирот влегуваат 8 најдобро пласирани тенисери и тенисерки на актуелната ранг листа на МТФ.
Сите љубители на тенисот се поканети да ги проследат натпреварите од кафе-бар Теннис Парк кој се наоѓа веднаш покрај тениските терени.