Децата имаат бујна фантазија и со слатка наивност веруваат дека приказните навистина се дел од реалноста.
Реакцијата на мало девојче, кое помисли дека една невеста е принцеза од нејзината омилена книга, ќе ви го растопи срцето.
Двегодишното девојче било воодушевено кога ја здогледало невестата во својата раскошна венчаница. Тоа веднаш помислило дека таа е принцезата од книгата која во моментот ја читале со мајка си, а на чија корица има жена во бел фустан.
Фотографиите од случката биле направени од свадбената фотографка, а на Imgur се објавени од сопругот на невестата Скот Робертсон. Тие се вистински хит на популарната социјална мрежа.
„Жена ми и јас стапивме во брак минатиот февруари. За време на фотосесијата, случајно поминуваше ова мало девојче со мајка си. Девојчето помисли дека мојата убава жена е принцезата од нејзината омилена книга (онаа која ја држи)“ – напиша Скот во описот.
„Мојата сопруга му даде цвеќе од букетот“ – додаде тој.
„Тоа беше многу сладок момент. Ќерка ми ја носеше со себе книгата „Woman in White“ која ѝ беше омилена таа недела поради корицата со „принцеза“. Па, кога ја видовме Шандајс во нејзиниот прекрасен фустан, нашата ќерка беше маѓепсана“ – рекла мајката на девојчето откако фотографиите станаа хит.
