Позитивна приказна за мал херој ја обиколува нашата земја.
„Најмалото бебе во Македонија - Најголемиот борец! Она кога сите сили, искуства, знаења и Божја воља ќе се обединат Нашиот мал голем херој роден во 23 г.н.со телесна тежина од 700гр., сега 2.000 гр.и во одлична кондиција. Му посакуваме одлично здравје да го следи и бескрајни детски радости“ – стои во пораката на „Универзитетска Клиника за Гинекологија и Акушерство - Скопје“ за бебенцето кое се избори за живот.
Момчето било родено во петтиот месец од бременоста на мајката и на клиниката ги поминало првите 100 дена од животот. За среќа, благодарение на добиената нега од сестрите и докторите, сега тоа може да дише самостојно и се храни редовно.
Кај нас ова е прво преживеано новороденче кое е родено во 23-тата недела.
„Пројдовме заедно низ разни кризи и се изборивме заедно. Мислам вистински беше силно бебе. Силно бебе-вистински борец“ - изјави за „Канал 5“ д-р Коиќ.
Новороденчето допрва ќе добие свое име, а на клиниката било нарекувано „миленикот“.