Во денешно време многумина се опседнати со цифрата која ја покажува вагата, но вистината е дека бројот на килограми не треба да диктира како вие се чувствувате за вашето тело и не е реална слика за вашиот изглед.
Блогерката Ники Рис, која е мајка на две деца, преку фото-споредба покажува дека килограмите се само бројка. На двете фотографии таа тежи исто (63 килограми), но изгледа сосем поразлично.
Преку фотографиите од својата трансформација, 36-годишната фитнес фанатичка ги потсетува жените дека вежбањето им ја покачува мускулната маса и килограмите, но ги подобрува изгледот, кондицијата и здравјето.
„Разликата меѓу овие две фотографии НЕ е во тоа што храната му прави на моето тело, туку што таа храна ѝ прави на мојата глава. Пред две години јадев слатки и брза храна по цел ден и тие правеа да се чувствувам лошо за себе. Сета таа вкусна храна всушност ги разгоруваше моите ИЗГОВОРИ за да се откажам од вежбањето. Сега, храната ја разгорува мојата АМБИЦИЈА да си го оформувам телото“ – пишува Ники. „Здравите тела доаѓаат со здрави умови“ – додава таа.
„Не следам план, не бројам ништо (ни калории). Не отфрлам одредени групи на храна и не престанувам да внесувам јаглехидрати после 17 часот. Сè уште јадам торта“ – тврди Рис.
