Профилот на Instagram „Aurora Braids“, создаден од две сестри од Норвешка, нуди неисцрпна инспирација за фризури со плетенки.
Линда и Миа го основаа профилот пред пет години, а денес на популарната социјална мрежа имаат 200.000 следбеници кои ги обожаваат нивните инвентивни плетенки.
„Како повеќето девојки, ние научивме како да правиме плетенки кога бевме мали. Сепак, дури пред околу пет години научивме како да правиме посложени плетенки кога наидовме на видео-туторијали на YouTube. Тогаш започнавме да експериментираме со различни стилови и станавме опседнати со плетење плетенки“ – изјавила Линда.
Талентираните девојки црпеле инспирација од Instagram, Pinterest и филмови и серии како „Game of Thrones“ и „The Lord of the Rings“. За создавање на поедноставните плетенки ним им се потребни 20-тина минути, додека за покомплексните фризури тие издвојуваат по еден час.