Дејзи-Меј Димитри e 8-годишно девојче кое инспирира со ведрата насмевка, позитивниот дух и енергијата. Иако нејзе ѝ се ампутирани двете нозе, таа го живее својот живот со полни гради.
Токму поради тоа, слатката Дејзи доби моден ангажман од страна на River Island. Таа стана ѕвезда во новата рекламна кампања за детска спортска облека на популарниот бренд.
Имено, од самото раѓање, на слаткото девојче му била дијагностицирана Fibular hemimelia – недоволно развиени коски (мали писки) на двете нозе.
Малата писка е долга коска латерално сместена од големата писка и заедно со големата писка ја сочинуваат потколеницата.
„Нејзините стапала никогаш не се формираа правилно“ – изјавил нејзиниот татко. Со тешко срце, родителите на Дејзи одлучиле дека за нивното чедо да има нормален живот треба да ја изложат на операција. На само 18 месеци на Дејзи ѝ биле ампутирани двете нозе од под колената и денес таа се движи и вежба со помош на протетички помагала.
Дејзи постојано тренира со својот татко и не дозволува хендикепот да ја спречи да го следи својот сон.
Дејзи за првпат дефилираше на ревија за време на Лондонската недела на модата во 2017 година.