Идентични близнаци ќе стапат во брак со идентични близначки со кои биле заедно на првиот љубовен состанок и на кои заедно им предложиле брак. По свадбата, двата брачни пара ќе живеат во ист стан.
24-годишните близначки Криси и Кејси Бевер викендов ќе стапат во брак со 24-годишните близнаци Зак и Ник Луан. Свадбата на Криси и Зак ќе биде одржана в петок, а свадбата на Кејси и Ник в сабота. Потоа, двата брачни пара ќе имаат заедничка коктел забава.
„Понекогаш не ми се верува како се случи сето ова“ – рекол Ник.
Ник и Кејси се запознале за време на час по психологија на факултет. Тие одлучиле да ги поканат своите близнаци на првиот состанок и така започнала нивната заедничка авантура.
Двајцата близнаци им предложиле брак на своите сакани минатата година за време на патување во Дирборн, Мичиген.
„Сè се случи истовремено. Ние правиме сè во двојки“ – рекол Зак.
Сепак, тој тврди дека и покрај поврзаноста, тие се сите различни индивидуи и дека не се постојано заедно. „Ние сме индивидуи. Ние сме сите индивидуи. Работиме различни работи и имаме различни интереси, едноставно се почитуваме меѓусебно поради тие разлики“ – додал тој.
„Ние не сме исти луѓе. Всушност ние сме многу различни, како ден и ноќ, кога станува збор за нашиот карактер. Да, си личиме. Да, имаме слични интереси за некои нешта, но сме различни личности. Постои специјална поврзаност меѓу близнаците, и прекрасно е што имаме некој кој го разбира тоа“ – рекла Криси.