„Зелено кафе“ во кесички – забрането за употреба.
Во последните неколку месеци многу жени и мажи го присвоија српскиот производ „Зелено кафе“ како свој сојузник во борбата со килограмите.
Но, денес Дирекцијата за храна го забранила зеленото кафе пакувано во кесички и во моментов се повлекуваат од продажба сите дистрибуирани количини од аптеките. Овој препарат, кој што е наменет за слабеење, е небезбеден согласно Законот за безбедност на храната.
Причината за ваквата одлука на Дирекцијата е тоа што зеленото кафе пакувано во кесички ја содржело супстанцијата сибутрамин, а тоа не било посочено во производната спецификација.
Сибутрамин е супстанција за лекување на дебелина, која се произведува во САД и дејствува преку намалување на апетитот. Но, поради негативните последици кои ги има врз здравјето, особено кај болните од срцеви заболувања и зголемен крвен притисок, таа е забранета за употреба во Европската Унија.
