Емотивен момент од венчавката на Анастасија и Брендон Линденмен деновиве се распространува на интернет и разнежува срца низ светот.
Имено, по разменување на свадбените завети, Брендон клекна на колено пред малата ќерка на својата сакана со ветување дека секогаш ќе биде покрај неа и никогаш нема да ја напушти.
„Ми беше чест што можам да се наречам себеси твој татко. Те гледав како растеш сè поголема и поголема секој ден. Растеш сè поубава секој ден. Во остатокот од мојот живот, секогаш ќе бидам тука за тебе, ќе бидам твој пријател и татко. Ќе ме викаш ли твој татко?“ – се зборовите со кои Брендон ѝ се обрати на малата Рејна, а таа исполнета од емоции го бакна и прегрна.
Брендон ѝ подари на слаткото девојче прстен како доказ за неговата љубов.
„Срцето ми се исполни и тоа ме увери дека ја направив правилната одлука да го поминам остатокот од мојот живот со овој маж, кој не само што ме сака мене, туку ја сака и мојата ќерка како да е негова“ – изјави среќната невеста за овој момент.
ВИДЕО
Анастасија и Брендон се запознале во 2015 година, кратко време по нејзината разделба со поранешниот сопруг. Љубовта и грижата на Брендон за нејзината ќерка се родиле веднаш. „Нивната врска всушност ме одушевува. Тие секогаш прават забавни работи и иако тие се едноставни, ѝ значат многу на Рејна. Тешко е да се опише со зборови нивната врска. Тие навистина се најдобри пријатели. Таа го гледа низ прозорецот кога си заминува, го бара кога ќе стане од спиење, му се јавува кога е на работа и трча кон него кога се враќа дома и му подарува голема прегратка“ – вели Анастасија за поврзаноста на нејзината ќеркичка со Брендон.