Животот не е автопат со патокази кои сите треба слепо да ги следиме и не е однапред напишана бајка со среќен крај.
Животот е креација на човекот. Па, зошто да не изберете да бидете среќни? Прочитајте едноставни правила од книгата „Life's Little Instruction Book“ кои можат да ви го подобрат животот и да ве направат посреќни.
- Следете ги трите „П“: Почитувајте се себеси; Почитувајте ги другите; Преземајте одговорност за сите свои постапки.
- Кога губите, не губете ја научената лекција.
- Понекогаш најдоброто нешто што може да ви се случи е да НЕ го добиете она што го сакате.
- Убаво научете ги правилата за да знаете како е најдобро да ги прекршите.
- Имајте на ум дека големата љубов и големите постигнувања вклучуваат и голем ризик.
- Не дозволувајте мало недоразбирање да повреди големо пријателство.
- Кога ќе сфатите дека сте направиле грешка, веднаш преземете мерки за да ја поправите.
- Секој ден поминувајте одредено време сами.
- Раширете ги рацете за промени, но не ги испуштајте своите вредности.
- Запомнете дека тишината понекогаш е најдобриот одговор.
- Живејте добар и чесен живот. Кога ќе остарите и ќе погледнете наназад, ќе можете повторно да уживате во него.
- За време на расправии со саканите, споменувајте ги само сегашните проблеми. Не се навраќајте на минатото.
- Споделувајте го своето знаење. Тоа е начин да останете бесмртни.
- Бидете понежни кон Земјата.
- Еднаш годишно одете на место кое не го имате посетено.
- Запомнете дека најдобрата врска е онаа во која љубовта која со саканиот ја чувствувате еден за друг е поголема од вашата потреба еден од друг.
- Оценувајте го успехот според она од коешто требало да се откажете за да го постигнете.
- Дом исполнет со љубов е основата на вашиот живот.