Меланија Трамп ја започна и заврши со стил турнејата низ Африка, промовирајќи ја својата иницијатива „Be Best“ и истакнувајќи ја важноста на работата на USAID на овој континент.
Првата дама на САД имаше можност да нахрани слончиња, да ужива на сафари и да се сретне со сирачиња во Кенија.
Облечена во „јавачка“ комбинација од Ралф Лорен, 48-годишната сопруга на Доналд Трамп со големи шишиња со цуцли хранеше мали слончиња за да потенцира колку е важно зачувувањето на овие величествени животни.
Потоа, Меланија 90-минути уживаше на сафари во џип додека со двоглед одблиску набљудуваше најразлични диви животни.
Посетата на Кенија таа ја заврши со средба со сирачиња, кои во колоритни униформи ја пречекаа и ја мотивираа да потанцува со нив.
Последната станица од турнејата на Меланија беше Египет, каде таа се сретна со првата дама Ентисар Амер. Нејзиното елегантно издание наиде на огромен број на комплименти.
Додека позираше за новинарите, таа изјави дека не секогаш се согласува со нејзиниот сопруг и дека без исклучок му го кажува своето мислење. „Не се согласувам секогаш со она што тој го вели и му го кажувам тоа. Но, јас имам мој сопствен глас и сопствени мислења и мене ми е многу важно да се искажувам како се чувствувам“ – рече таа.
