Дваесет и четиригодишниот Едвард Нињо Ернандез ја доби титулата најнизок човек на светот.
Со своите 70 сантиметри младиот Колумбиец успеа да добие сертификат од Гинисовата книга на рекорди со кој се потврдува дека е најнискиот жив човек во светот.
„Не расте од двегодишна возраст“ – изјавила неговата мајка.
Претходно оваа титула беше во рацете на Кинезот Хе Пингпинг кој беше 4 сантиметри повисок од Едвард, а кој почина на 13 март оваа година.
Сепак, претставниците на Гинисовата книга на рекордите сметаат дека Едвард нема долго да може да ѝ се радува на оваа титула, затоа што Кагендра Тапа Магар, кој моментално има 56 сантиметри, на 14 октомври ќе стане полнолетен и ќе стане најнизок човек на светот.
