Џон Бон Џови израдува жена која боледува од рак на белите дробови. Славниот пејач неочекувано се појави во ресторанот во кој Керол Цесарио ручала заедно со пријатели и семејството.
Во видеото, болната мајка на четири деца возбудено зјапа во музичката ѕвезда и не може да си поверува дека има можност да поразговара и да сподели оброк со својот идол.
Видео
За време на едночасовната дружба, Бон Џови ѝ дозволи на својата обожавателка да преслуша песни од својот нов албум и ѝ подари потпишана гитара и книга.
Желбата на Керол била исполнета благодарение на објава на нејзината ќерка на Facebook. Во пораката таа сподели дека мајка ѝ отсекогаш била голема обожавателка на Бон Џови и дека сонувала да се сретне со него.
Откако објавата стигнала до тимот на Џон, семејството на Керол било покането на оброк во добротворниот ресторан на харизматичниот пејач.