Комерцијален текст
Во есенските денови, кога сите се фокусираат на подготвување зимници и потешки јадења, изненадете ги вашите гости со едноставно мени од предјадење, главно јадење и десерт, и тоа сите 3 направени со омилената Битолска павлака.
Бидејќи за сите 3 јадења, Битолската павлака е главната состојка, ви гарантираме дека овој оброк ќе биде неверојатно вкусен и лесен, а за негова подготовка нема да го потрошите целиот ден во кујната.
Салата со Битолска павлака и кашкавал
За предјадење подгответе лесна салата со павлака, која одлично ќе се вклопи кога имате најавени гости. Но, и кога немате, таа може да биде супер идеја и за брз комплетен оброк.
Потребни состојки
500 гр | Битолска павлака |
300 гр | кашкавал сечен на коцки |
300 гр | сечкана шунка |
2 | поголеми краставици |
200 гр | мајонез |
прстофат | бибер и сол по потреба и вкус |
Подготовка:
Во подлабока чинија ставете ги ситно сечканите краставици, шунката и кашкавалот. Додадете го мајонезот за да ги соедини состојките, а потоа додадете ја и Битолската павлака и мешајте додека се соедини. Нејзината кремаста структура ќе направи совршен спој на состојките. Додадете по вкус бибер и сол и вкусната салата е подготвена.
Пилешки стек во сос од Битолска павлака и печурки
Вкусното пилешко во сос од павлака со печурки е едно од најомилените главни јадења на многумина. Освежителниот вкус што го дава павлаката, како и кремастата структура што благодарејќи на Битолската павлака совршено ги спојува пилешкото месо и печурките, го прави ова јадење и лесно и вкусно. Не заборавајте дека таа оди со секое јадење!
Потребни состојки
600 гр | пилешки стек |
500 гр | Битолска павлака |
400 гр | свежи печурки |
2 чешниња | лук |
1 кромид | |
1 лажица | маслиново масло |
1 лажичка | сол |
1 лажичка | кари |
1/2 лажичка | босилек |
прстофат | мелен бибер |
Подготовка:
Исечкајте го стекот на мали коцки. Во длабоко тавче испржете ги ситно исечканите кромид и лук, а потоа додадете ги коцките стек. Кога стекот ќе се зарумени и ќе се испржи, се додаваат крупно исечканите печурки заедно со зачините. Потоа се додава Битолската павлака што треба заедно да се готви со стекот и со печурките околу десетина минути на потивок оган. Вкусниот ручек е готов и подготвен за сервирање.
Лесен чизкејк што секој може да го направи
Чизкејкот важи за десерт што речиси никој не го одбива. Составен е од само два дела: основа, направена главно од мелени бисквити, и крем, направен од крем сирење или павлака. Ние ви предложуваме да направите комбинација од Битолска павлака и крем сирење. За да биде чизкејкот освежителен и повкусен, додаваме и трет слој со овошје.
Потребни состојки
Кора: | |
200 гр | мелени бисквити |
2 лажици | мед |
6 лажици | Битолско млеко |
180 гр | растопен Битолски путер |
Фил: | |
500 мл | Битолска павлака |
450 гр | безмасно крем сирење |
220 гр | шеќер во прав |
1 | желатин |
1 | ванилин шеќер |
Овошен слој: | |
500 гр | микс од шумско овошје |
4 лажици | шеќер |
100 мл | вода |
1 | желатин |
Подготовка:
Слој 1: Во подлабок сад измешајте ги мелените бисквити, Битолското млеко, медот и Битолскиот путер. Потоа смесата ставете ја во калап за чизкејк и добро притиснете.
Слој 2: Во друг сад ставете го крем сирењето во кое ќе ги додадете шеќерот во прав и ванилиниот шеќер. Потоа додајте ја Битолската павлака, матете со миксер и додајте го едниот желатин. Желатинот треба најпрво да набабри со 50 мл вода, а потоа загрејте го малку на рингла, но внимавајте да не зоврие. Потоа овој втор слој ставете го над првиот слој со бисквитите.
Слој 3: Згответе го овошниот микс со 4 лажици шеќер и 100 мл вода. Потоа додајте го желатинот и гответе уште една минута. Откако убаво ќе се излади, смесата ќе се згусне. Густата смеса прелијте ја над вториот слој и чизкејкот ставете го во фрижидер за да се излади, најдобро преку ноќ.
Веруваме дека со овие 3 едноставни рецепти ви дадовме идеја за вкусен и брз ручек за вашето семејство или за вашите пријатели. Кога главната состојка е „омилена со секој оброк“, сигурни сме дека нема да згрешите.
Пријатен апетит!