Пушачите во Британија кои сакаат да се откажат од својата штетна навика, можат да го направат тоа со помош на бесплатен прибор наменет токму за нив. Овој прибор е разработен како резултат на истражување кое покажало дека дури 44% од пушачите имаат во план да ги откажат цигарите од Нова Година.
Во приборот се вклучени:
- две аудио снимки за кои е научно докажано дека го намалуваат апетитот за цигара;
- стрес играчка која помага рацете да бидат зафатени;
- четка за заби – за да ги потсетува пушачите колку е важен свежиот здив;
- алатка за пресметување на парите што се штедат со откажувањето на цигарите;
- план за откажување во кој пушачите можат да го обележуваат својот прогрес во текот на 29 дена.
Владата на Британија работела со експерти и пушачи со цел да биде создаден комплет кој навистина ќе може да им помогне на пушачите да се ослободат од оваа штетна навика.
За жал, сè уште не е познато што содржат двете аудио снимки или дали всушност се музика.
