Креша Баџаџ отсекогаш посакувала да си ја дизајнира сопствената венчаница. Па, откако нејзиниот сакан Ванраж Завер ја побарал за жена, таа започнала да крои планови за свадбената облека.
Сакајќи да има уникатна венчаница, која сепак ја следи индиската традиција, таа започнала да реализира комплексна идеја – да ја прикаже на облеката својата љубовна приказна.
Така, на белото здолниште се навезени значајни моменти од нејзината врска со Завер. Во најдолниот дел, на самиот раб се прикажани делфини, бидејќи нејзината сторија со Завер започнала со протест против држењето на морски цицачи во заробеништво. Исто така, прикажана е сцена од нивната свршувачка на Малдиви, а шарата во централниот дел всушност е повторување на нивните имиња.
За големиот ден, Креша создала повеќе свечени аутфити. Погледнете фотографии од свадбата која се одржа во Удајпур, Индија.
