Некои личности никогаш не се забораваат, а за тоа да биде така со Мартин Ричард се погрижија неговите пријатели и роднините.
Мартин имаше само 8 години кога загина во бомбашкиот напад во 2013 година за време на Бостонскиот маратон. Сега, во негова чест, дел од неговите тогашни соученици, неговиот брат, поранешните наставници и тренери истрчаа 42,195 километри.
Другарите на Мартин од школските клупи со години планирале да го истрчаат маратонот кога ќе навршат легална возраст за да учествуваат во него.
Заедно со тим од 50 лица, тие трчале за да ја пренесат пораката која Мартин ја напишал пред 10 години: „Нема повеќе повредување на луѓето. МИР“.
Неговиот пријател Нолан Клирли сè уште ги чува патиките кои Мартин му ги подарил пред смртта. Останатите соученици се сеќаваат на кошаркарските натпревари во кои играле рамо до рамо со него. Сите тие имале само 8 години кога го изгубиле другарот, па поради тоа трката била многу емотивна за сите нив.
„Трчањето како тим нè одржуваше на патеката. Беше прекрасно. За мене, за моето семејство, за моите пријатели и за пријателите на Мартин беше многу емотивно“ – рекол братот на Мартин, Хенри, кој имал 10 години за време на бомбашкиот напад. Тој додал дека мислел на Мартин во текот на целата трка, а на раката му беше испишано неговото име.
„Неверојатно е да се оддаде чест на неговото наследство, ова е нешто за што сонував“ – рекол другарот на Мартин, Џек.
10 years ago, 8-year-old Martin Richard was among the three killed in the Boston Marathon bombing.
— SportsCenter (@SportsCenter) April 16, 2023
His friends from their Boston neighborhood will honor his memory by running together in the race on Monday. pic.twitter.com/22yWmhPoPu
