Новата календарска година ќе не исполни со надеж за подобра иднина и со ентузијазам за промени кај себе и во нашата околина.
Секоја година започнува со патување на Сонцето во дисциплинираниот јарец, поттикнувајќи нè да си поставуваме големи и амбициозни цели. Само напред, подгответе листа со „новогодишни резолуции“ и веднаш фрлете се во акција.
Венера, планетата на љубовта, хармонијата и убавината, речиси цел месец ќе престојува во риби, ставајќи акцент на духовната поврзаност во врската и потрагата по сродна душа.
Меркур, планетата на комуникацијата, до 8 јануари ќе се движи ретроградно, па сите треба да броиме до 3 пред да изговараме коментари кои имаат потенцијал да преминат во расправија. Не ризикувајте и ставете деликатен филтер на усните во правата седмица од месецов.
На 19 јануари Сонцето ќе премине во водолија, зачестувајќи ги хуманитарните активности и давајќи им сила на активистите.
Јарците ќе бидат ѕвезди во текот на јануари, но и водолиите ќе почувствуваат многу позитивни промени.
| Датум | Случување |
| 3 јануари | ♀ Венера влегува во риби |
| 4 јануари | ☿ Меркур со ретроградно движење преминува во стрелец |
| 8 јануари | ☿ Меркур преминува во директно движење во стрелец |
| 12 јануари | ☽ Настапува полна месечина во рак |
| 12 јануари | ☿ Меркур влегува во јарец |
| 19 јануари | ☉ Сонцето влегува во водолија |
| 27 јануари | ☽ Настапува млада месечина во водолија |
| 28 јануари | ♂ Марс влегува во овен |
Табела: најважните датуми за месец јануари и движењето на небесните тела
Кликнете на вашиот хороскопски знак и дознајте како планетите ќе влијаат на вас овој месец:
