Почетна » Диети и фитнес » Фитнес » 4 напредни вежби за затегнат стомак

4 напредни вежби за затегнат стомак

Тенката половина и цврстиот стомак се клучните елементи на женствената силуета. За жал, тоа е и онаа област од телото која прва страда од заседнатиот начин на живот, стресот и нездравиот начин на исхрана.

За да го избегнете појавувањето на „гума“ околу стомакот, потребно е редовно да практикувате кардио вежби, но исто така и да ги активирате стомачните мускули со вежби за нивно зацврстување. Во продолжение ќе најдете 4 вежби кои претставуваат малку поголем предизвик, но затоа пак имаат и поголем ефект.

Напредна вежба за затегнат стомакНапредна вежба за затегнат стомакНапредна вежба за затегнат стомакНапредна вежба за затегнат стомак

Застанете во положба како за склекови, а потоа потпрете ги лактите на подот. Рацете треба да ви бидат на иста ширина со рамената, а дланките свиткани во тупаници и насочени една кон друга. Стегнете ги стомачните мускули за телото да ви биде во права линија (слика 1).

Подигнете ги колковите нагоре, задржете се во таа положба 2 секунди (слика 2), а потоа вратете се во првобитната положба.

Направете 8 повторувања. По пауза од 2-3 минути, направете уште една серија од 8 повторувања.

Легнете на подот, а рацете поставете ги покрај телото со дланките кон подот. Свиткајте го десното колено и поставете го десниот глужд над левото колено. Левата нога во текот на целата вежба треба да ви биде права. Користејќи ги стомачните мускули, подигнете ја левата нога и поставете ја дијагонално, под агол од 45° од подот (слика 1).

Стегнете ги стомачните мускули и подигнете ги нозете нагоре, така што колковите да ви се одлепат од подот (слика 2). Потоа спуштете ги колковите на подот и вратете ги нозете во дијагонална положба.

Повторете ја вежбата 8 пати.

Легнете на грб и свиткајте ги колената, така што стапалата да ви се потпираат на подот. Рацете поставете ги покрај телото со дланките на подот. Подигнете ја левата нога нагоре и стремете се да оформи агол од 90° во однос на подот (слика 1).

Притиснете со десната нога на подот и подигнете ги колковите нагоре. Телото треба да ви оформува права линија од рамената до колената (слика 2). Спуштете ги колковите надолу, колку само да го допрат подот, а потоа повторно подигнете ги.

Направете 8 повторувања со подигната лева нога и 8 со подигната десна нога.

Легнете на подот и поставете ги дланките зад главата. Подигнете ги главата и рамената од подот, а во исто време повлечете ги колената кон градите (слика 1).

Спуштете ги главата и рамената на подот додека ги исправувате нозете и ги поставувате дијагонално, под агол од 45° од подот (слика 2).

Во текот на целата вежба држете ги стомачните мускули многу стегнати. Повторете ја вежбата 10 пати, направете пауза од 1 минута, па продолжете со серија од 8 повторувања.

Анкета

Анкета
Дали си имате направено естетска корекција на лицето?
  • 10%
  • 26%
  • 64%
Се испраќа...

(Вкупно: 9515 гласа)

Цитат

Животот е како монета. Можете да ја потрошите како сакате, но можете да ја потрошите САМО ЕДНАШ.

Лилиен Диксон

Виц

Брачните расправии се како да читаш „Правила и услови за користење“ на интернет.

На крајот посекако завршуваш со: „Се согласувам“.