Почетна » Диети и фитнес » Фитнес » 3 вежби за брз тренинг дома

3 вежби за брз тренинг дома

Богатите празнични трпези, активното дружење и славењето со чаша алкохол во раката се одразуваат негативно на фигурата. Рамното стомаче добива позаоблен облик, а останатите мускули не изгледаат така тонирано како претходно.

Се разбира, додека траат празничните прослави на сите ни недостига мотивација за да влеземе во фитнес салата, иако можеби на Нова Година сме си ветиле дека редовното вежбање ќе ни биде секојдневие. Па, најдобар начин да ѝ ставите крај на празничната пасивност и да останете во форма се брзите тренинзи во домашна атмосфера.

Не треба многу труд, ниту пак многу време, за да го одржувате своето тело. Издвојте помалку од 20-тина минути за следниве три вежби и ќе успеете да поминете низ празничната сезона без непосакуваното опуштање на мускулите и губење на привлечната форма на телото.

Двојно подигање на нозете

Двојно подигање на нозете

Оваа вежба можете да ја правите додека ја гледате омилената серија или за време на рекламите. Веднаш ќе почувствувате зацврстување на мускулите во областа на половината.

Инструкции: Легнете на десната страна, така што нозете да ви бидат во права линија. Испружете ја десната рака и на неа потпрете ја главата. Започнете да ги подигате двете нозе кон таванот, притоа држејќи ги глуждовите споени, а прстите на нозете насочени нанапред (како на сликата). Бавно спуштете ги нозете на подот.

За да завршите една серија, повторете ја вежбата 12 пати. Направете вкупно 3 серии со по едноминутна пауза помеѓу нив.

Потоа, легнете на левата страна и продолжете со уште 3 серии.

Спуштања за трицепси

Спуштања за трицепси

Користејќи ја сопствената тежина, со оваа вежба ќе ги тонирате мускулите на рамената, грбот и задниот дел на надлактицата.

Инструкции: Седнете на работ на стабилен стол или на тврд кревет. Поставете ги дланките до колковите така што прстите да го држат работ на столот. Користејќи ги рацете подигнете ги колковите и донесете го задникот пред столот (како на сликата). Свиткајте ги лактите и спуштете го задникот надолу. Во идеален случај лактите би требало да бидат под прав агол кога сте во најниската положба. Со помош на мускулите на рацете подигнете се нагоре.

Направете 12 повторувања, притоа внимавајќи грбот да е што поблиску до столот. Потоа, направете уште 2 серии со по едноминутна пауза помеѓу нив.

Подигање на колковите

Подигање на колковите

Оваа вежба помага за зацврстување на мускулите на задникот, колковите и бутовите. Со секое подигнување на колковите ќе чувствувате дека мускулите вежбаат напорно.

Инструкции: Легнете на подот на грб и свиткајте ги колената под агол од 90°. Поставете ги петиците на ниска масичка, стабилен стол или кревет. Прстите на нозете треба да се насочени кон таванот, а рацете да се испружени покрај телото. Стегнете ги мускулите на задникот и подигнете ги колковите за да направите „мост“ (како на сликата). Вратете се во првата положба.

Направете 15 повторувања. Одморете се малку и направете уште една серија.

Анкета

Анкета
Дали си имате направено естетска корекција на лицето?
  • 10%
  • 26%
  • 64%
Се испраќа...

(Вкупно: 9504 гласа)

Цитат

Животот е како монета. Можете да ја потрошите како сакате, но можете да ја потрошите САМО ЕДНАШ.

Лилиен Диксон

Виц

Брачните расправии се како да читаш „Правила и услови за користење“ на интернет.

На крајот посекако завршуваш со: „Се согласувам“.