Денес полни 38 години и изгледа беспрекорно: Катарина Ивановска шармира на летните фотографии

Катарина Ивановска денес полни 38 години и слободно може да се каже дека изгледа фантастично.

Македонската манекенка на роденденот објави албум насловен „Лето“.

Во него, Катарина сподели фотографии од одмор со драги пријатели, како и од моменти во кои ужива на плажа и во омиленото Маврово.

Нашата убавица сними и видео во кое облечена во едноделен колоритен костим за капење и лежерно бело здолниште, се качува по скали додека зад неа се гледа преубавото море.

Ивановска во изминативе месеци ги посети Мадрид, Форментера и Ибица со партнерот Стефан Ханџиски, беше на кампување со децата Вања и Кира, а споделуваше и фотографии од нивниот „втор дом“ во Маврово.

Во претходно интервју за Фемина, атрактивната Македонка зборуваше за мајчинството како најважната улога во нејзиниот живот.

„Мајчинството ме направи помека, ама и посилна. Потрпелива, ама и похрабра. Научив дека не мора да сум совршена – доволно е да сум присутна. И најмногу од сè, научив што значи безусловна љубов, нешто што не можеш да го разбереш додека не го почувствуваш“ – сподели со нас Катарина.