Џенифер Лопез заслужено ја доби наградата „Икона“ на iHeartRadio Music Awards 2022.
52-годишната пејачка и актерка го прими признанието кое ѝ беше доделено за нејзиното влијание во поп-културата, а наградата им ја посвети на обожавателите.
На синоќешната свеченост во Лос Анџелес, Џеј Ло ја подигна статуетката во маслинесто-зелен фустан од Стефан Ролан.
Таа ја доби поддршката од ќерка си Еми и саканиот Бен Афлек.
„Го ценам ова премногу, премногу. Би сакала да можам да ви кажам дека наградите ми се најважни, но тоа не е вистина. Немојте да мислите дека не ги ценам овие сјајни, светкави нешта, бидејќи навистина ги ценам. Не можам да лажам, сите знаат дека ги сакам. Но, ова не е причината за тоа што го правам. Не ми е тоа најважно. Всушност, го правам тоа за вас. Поради вас, јас го работам тоа што го сакам најмногу во животот и тоа е најубавиот благослов.“
„Тоа е подарок кој вие ми го давате и сакам да ви се заблагодарам. Им благодарам на сите кои доаѓаат на концерт, стримуваат моја песна, гледаат мој филм, ме следат. Вие ми дават можност секој ден да го живеам животот кој, како мало девојче кое растеше во Бронкс, не можев ни да замислам дека ќе се оствари“ – рече Лопез во својот говор.
they are so happy and proud of her and she looks so gorgeous #bennifer #iHeartAwards2022
— ana (@jennyxblock) March 23, 2022
pic.twitter.com/ECYa6JntbM
Лопез настапи на сцената во црн аутфит од Роберто Кавали.
