Хју Хефнер почина. Основачот на „Плејбој“ издиша за последен пат на 91-годишна возраст во својата вила во Лос Анџелес.
Во соопштението се наведува дека тој починал од природна смрт.
Неговиот син Купер му оддаде почит и изјави: „Татко ми живееше исклучителен и влијателен живот како медиумски и културен пионер и водечки глас зад некои од најзначајните социјални и културни движења на нашето време, со тоа што го застапуваше слободниот говор, човековите права и сексуалната слобода.“
American Icon and Playboy Founder, Hugh M. Hefner passed away today. He was 91. #RIPHef pic.twitter.com/tCLa2iNXa4
— Playboy (@Playboy) September 28, 2017
„Животот е премногу краток за да живееш туѓ сон“ – Хју Хефнер.
Популарното списание тој го основа во 1953 година и го претвори во мултимилионски бизнис.
Хефнер има четири деца, а зад себе остави три бракови.
Во 2012 година, Хју се венча со Кристал Харис. Тој тогаш имаше 86 години, а таа 26, па нивната свадба привлече големо внимание.
Во 2009 година тој се разведе од неговата втора сопруга Кимберли Конрад, со која беа разделени од 1998 година. Разводот беше финализиран во март 2010 година. Претходно, познатиот плејбој беше во брак со Милдред Вилијамс. Тој брак заврши уште во далечната 1959.
