Синоќа ФИФА им ги додели наградите на најдобрите во светот на фудбалот. Хрватот Лука Модриќ ги победи своите конкуренти Мохамед Салах и Кристијано Роналдо и ја присвои посакуваната награда Најдобар фудбалер.
На свечената манифестација, 33-годишниот фудбалер пристигна со сопругата Вања Босниќ и двете деца Ивано и Ема.
Во својот говор, славниот хрватски фудбалер им се заблагодари на своите соиграчи, тренери и фанови, без да го изостави и семејството. „Овој трофеј исто така е за моето семејство без кое немаше да бидам играчот и личноста што сум денес. Тие се за мене најдобрите“ – рече тој.
Видео
За време на Светското првенство во фудбал, кое оваа година се одржа во Русија, Модриќ беше награден со Златна топка. Иако хрватската репрезентација беше поразена во финалето, тој заслужено беше прогласен за Најдобар играч на Мундијалот.
По завршувањето на СП, во објава на Instagram, тој му се заблагодари на семејството за поддршката. „Благословен сум што имам вакво семејство! Тие ме туркаат напред секој ден!“ – напиша тој.
Лука и Вања стапија во брак во мај 2010 година по 4-годишна врска. Нивниот син Ивано се роди во јуни истата година, а Ема се роди во 2013 години. Парот заедно има уште една ќерка, која за неколку дена ќе наполни една година. Вања и децата се верни поддржувачи на Модриќ не само во животот, туку и на теренот.
