Лионел Меси и Антонела Рокуцо го прошируваат своето семејство за уште еден член. Парот со слатка фотографија потврди дека го очекува третото дете.
На неа, славниот фудбалер со двете мали синчиња го галат трудничкото стомаче на неговата сакана сопруга.
30-годишниот спортист и 29-годишната Антоанела стапија во брак во јули оваа година. Тие се познавале од мали нозе, бидејќи Антоанела е братучетка на најдобриот другар на Лионел од детството.
Лионел и Антоанела официјално објавија дека се во врска во јануари 2009 година. Тие се родители на Тијаго (роден во ноември 2012 година) и Матео (роден септември 2015).